En Asepeyo coidamos das persoas. É o noso reto como mutua. Para iso, contamos cun grande equipo humano, xente apaixonada polo seu traballo e comprometida co noso proxecto.
Actualmente estamos buscando os mellores profesionais para liderarmos a transformación dixital sanitaria. Nós ofrecemos un servizo excelente e innovador, que nos impulsa como referente da saúde e da cultura preventiva, e queremos que ti nos acompañes.
Queres saber por que deberías traballar connosco? Os nosos profesionais cóntancho.
O noso ADN
Innovación
Compromiso social
Vocación de servizo
Integridade
Orientación ás persoas
Eficiencia na xestión
Traballo en equipo
O noso PLUS
Universidade corporativa
Unha comunidade de aprendizaxe con espazos físicos ou virtuais que facilita programas formativos adaptados a cada posto de traballo. Somos referentes de formación no noso país.
I+D+i
A nosa comunidade científica fomenta a xeración e difusión do coñecemento a través do intercambio de experiencias e prácticas entre profesionais. Apostamos pola innovación e a aplicación de novas tecnoloxías para mellorarmos a calidade asistencial.
Espazo de traballo colaborativo
Este xeito de traballar permite unha maior eficiencia, flexibilidade e aproveitamento do potencial dos usuarios e unha maior capacidade de innovación.
Conciliación e flexibilidade
Buscamos sempre o equilibrio entre o traballo e a familia.
Empresa saudábel
Temos unha cultura de wellbeing que persegue o benestar do traballador.
Os nosos profesionais opinan
Pedro de la Mora
Traumatólogo – Barcelona, El Prat e Mercabarna
“Desde que cheguei a Asepeyo, hai máis de 30 anos, impresionoume tanto a dispoñibilidade dos medios diagnósticos e terapéuticos como a súa alta calidade en traumatoloxía. Hoxe, podo seguir afirmando que Asepeyo me permite facer unha traumatoloxía de alto nivel, na que nada se antepón ao criterio médico ao indicar unha proba diagnóstica ou tratamento. Podería falar, tamén, do espazo de traballo, da formación e dos outros temas, pero penso que, nos tempos que corren, é un privilexio poder exercer a medicina nestas condicións”.
Yanis Javier Costa
Director de centro asistencial – Gran Canaria Sur
“Se queres desenvolver a túa carreira profesional nunha organización sólida, solvente, innovadora e que aposta polos seus empregados, Asepeyo é a túa empresa. Dispomos ademais dunha serie de beneficios sociais, como préstamos, programa de apoio á familia, anticipos, plan de pensións e bolsas para estudos que permiten que sigamos formándonos e reciclándonos nas nosas distintas especialidades”.
Nuria García
Enfermeira – Alzira
“Desde o punto de vista sanitario, e concretamente desde a miña perspectiva como enfermeira, Asepeyo ofreceume a posibilidade de evolucionar profesionalmente e involucrarme persoalmente no desenvolvemento da miña profesión. A figura do enfermeiro na Mutua é unha peza clave e necesaria dentro do proceso asistencial ao paciente. Abofé que recomendaría traballar en Asepeyo! Poder formar parte desta empresa pódeche ofrecer grandes posibilidades profesionais neste ámbito”.
Ana Iglesias
Enfermeira – Hospital de Coslada
“Asepeyo é unha empresa estábel, con carisma, sólida e cómoda para traballar, con bos profesionais especializados. Recomendaríaa porque lles ofrece aos seus empregados a posibilidade de realizar formación continua, o que nos permite estar actualizados nos avances da nosa profesión. O desenvolvemento profesional e verte valorado no teu traballo é algo que, en máis de 10 anos de vida laboral noutras empresas, non me pasara”.
Chiara Jordán
Fisioterapeuta – Valladolid
“O trato directo e próximo co paciente, a formación continua que che ofrece Asepeyo e o valor humano fan que te sintas satisfeita e orgullosa da túa profesión polos logros obtidos con respecto ao usuario e por levalo cara á súa recuperación. Esta empresa permíteme exercer a miña profesión con ampla variedade de tratamentos e en moi diversas patoloxías”.
Àlex Nogué
Enxeñeiro da Dirección de Tecnoloxías da Información – Barcelona
“É unha empresa de referencia no seu sector, enfocada a un servizo público, como son a saúde laboral e as súas prestacións. Ademais, traballo en Asepeyo porque é unha empresa que fomenta as relacións humanas polo grao de conciliación persoal e a flexibilidade de horarios e que me ofrece unhas condicións laborais favorábeis con respecto a outras empresas, tanto por retribución como por vantaxes sociais e outros aspectos”.
Sandra Quintela
Doutora – Barcelona-Horta
“Traballar en Asepeyo enriqueceume, tanto laboral como persoalmente, por ter a posibilidade de colaborar con bos profesionais nun ambiente de traballo no que destacan o respecto e o compañeirismo. Trátase dunha empresa consolidada a nivel nacional, cunha gran capacidade de innovación que lle permite adaptarse aos novos tempos e ás novas demandas do mercado, sen esquecer a aposta polo desenvolvemento e a formación dos seus empregados”.
Alejandro Cerezo
Enfermeiro – Bilbao
“Despois de ver a oferta de traballo por Internet, mandei o currículum e deseguida se puxeron en contacto comigo. Tras as primeiras entrevistas, non quixen deixar pasar a oportunidade. Cando unha persoa chega a un traballo, agradece todas as facilidades que se lle ofrecen, tanto no persoal como no laboral. Desde o primeiro momento, o trato que recibín foi excepcional, sempre dispostos a axudarme. A acollida foi inmellorábel”.
178
Centros asistenciais
3
Hospitais propios
62
Beneficios corporativos